DAVAO CITY – Nanawagan ngadto sa lokal nga panggamhanan ilabi na sa mga Dabawenyos ang usa ka environmental group nga hugtanong mutuman sa Ecological Solid Waste Management Act of 2000.
Giawhag ni executive officer of the environmental group Interface Development Interventions kun (IDIS) Chinkie Pelino-Golle, nga kinahanglang magkahiusa ang publiko u gang lokal nga panggamhanan nga supportaan ang pagpa-implementar sa ordinansya.
Gikanayon sab ni Golle nga dunay nay landmark ordinance ang syudad sa solid waste, og kung mahimong hingpit kini mapatuman gikan sa lokal hangtud nasudnong balaud sa pagdumala sa basura muresulta kini sa pagkunhud sa produksyon sa basura.
Ang Davao City’s Ecological Solid Waste Management Ordinance of 2009 nga gilangkuban sa mandatorya nga pagklasipikar sa mga basura ilabi sa mga waste generators, ingon man ang pagtukod og barangay-based materials recovery facilities.
Gidili sab sa ordinansa ang paggamit sa plastic bags ug polystyrene, o styrofoam sama sa mga food containers nga epektibo kaniadtong June 28, 2012.
Subay sab sa section 10 sa balaudnong lokal nga nagmando nga ang mga recyclable, biodegradable og reusable containers ang gitugutan lamang nga mamahimong butangan sa pagkaon og ilimnon.
Dugang sab ni Golle nga ang pagpaimplementar sa ordinansya kinahanglang sugdan nga dunay kalabigit nga dakong multa ngadto sa mga dili mutuman ug uban pang administratibong silot.
