Nakakita na og kauswagan ang Department of Public Works and Highways o DPWH sa mga proyekto nga gitumong sa pagsulbad sa dugay nang problema sa pagbaha sa nasud.
Sumala kang DPWH Secretary Vince Dizon, padayon ang pagpatuman sa mga flood control projects sa nagkalain-laing lugar aron mapanalipdan ang mga komunidad batok sa epekto sa kusog nga pag-ulan ug pagbaha.
Apan wala pa maghatag si Dizon og tukmang panahon kung kanus-a makompleto ang tanang proyekto kontra-baha.
Matud niya, dili niya gustong maghatag og eksaktong timeline tungod kay nagkalain-lain ang kahimtang ug panginahanglan sa matag proyekto.
Gilauman hinuon ni Dizon nga mahuman sa labing dali nga panahon ang mga proyekto nga gikinahanglan aron makatabang sa pagsulbad sa dugay nang problema sa pagbaha.
Ang pagpaayo sa flood control projects nahimong sentro sa pagtagad sa gobyerno human sa balik-balik nga pagbaha sa nagkalain-laing bahin sa nasud, ilabina panahon sa kusog nga pag-ulan.
Sa pagkakaron, padayon ang DPWH sa pagmonitor ug pagpatuman sa mga proyekto samtang gitinguha nga mapadali ang mga lakang batok sa pagbaha. | VIA BOMBO EROS PAJOTA
