DAVAO CITY – Subling nanawagan ang ahensiya sa Department of Labor and Employment (DOLE) nga pahimuslan ang pahigayonan ilabi na sa mga walay trabaho ang ipahigayon nga online job fair ugmang adlaw, dungan sa ika-119 ka tuig nga kasaulogan sa labor day.
Kinahanglan nga pahimuslan ang kahigayonan ilabi na nga daghanan ang itanyag nga trabaho mapa-lokal man o sa langyaw nga kanasuran.
Anaa sumala pa sa 567 employer gikan sa manufacturing, business process outsourcing, health services, retail, ug construction ang makighiusa.
Nasayran sab nga kapin 23,000 ka mga trabaho ang gikinahanglan sa lokal diin gilangkuban kini sa production operators, factory workers, customer service representatives, nurses, cashiers, baggers, mason, ug carpenter.
Samtang sa abroad, anaa sa kapin 3,000 trabaho sab ang gitanyag sa 45 employers diin nanginahanglan sila ug nurses, factory workers, mechanic, nursing aides healthcare assistants, ug cleaners.
Una ng gibutyag sa DOLE nga mas gipalapdan nila karon ang Trabaho, Negosyo, Kabuhayan Job and Business Fair apan himuon lamang kini nga online isip pagtamol sa health protocols o pagdili sa mass gathering diin pangunahan kini sa Bureau of Local Employment, DOLE Regional Offices, ug sa Philippine Overseas Employment Administration (POEA).
Gikanayong ang ika-119 ka tuig nga pagsaulog sa labor day ang adunay tema nga “Mayo Uno sa Bagong Panahon – Manggagawa at Mamamayan: Babangon, Susulong!”
