DAVAO CITY – Gipasalig sa Department of Environment and Natural Resources-Environmental Management Bureau (DENR-EMB)-Davao nga ang waste-to-energy (WTE) facility nga gipatuman sa dakbayan sa davao dili makaapekto sa kalidad sa hangin sa siyudad.
Sumala pa kang DENR-EMB-Davao ambient air quality monitoring unit head Melvin Dapitanon nga ayha pa man naaprubahan ang maong proyekto, nakiglambigit na matud pa ang lokal nga panggamhanan sa ahensiya alang sa deliberasyon ug pagtuon.
Kahinumduman nga usa ang No Burn Philippines (NBP) sa mga grupo nga babag sa pagtukod sa WTE facility ug buot nila nga i-boycott ang mga local officials nga misuporta sa pagpalabang niini.
Una na sab nga gipanghimakak ni kanhi city vice mayor Bernard Al-ag nga dili transparent ang pag-apruba sa katukuran sa WTE ug makalapas kini sa Clean Air Act.
Gipasalig sab ni Dapitanon nga walay angayan nga kabalak-an ang publiko kimni tungod ang WTE facility adunay “high-end technology” nga maoy gigamit sab sa uban nga nasod sulod na sa taas-taas nga panahon.
