Gihatagan og deadline si Vp Sara duterte hangtud hunyo 1, 2026, aron mupasa saiyang pormal nga tubag sa impeachment case batok kaniya, sumala ni Sen. Pres, Alan Peter Cayetano. Subay sa pahayag ni Senate President Alan Peter Cayetano, opisyal nang napadala ang summons sa bise presidente niadtong Mayo 20, ug gikumpirma sa Office of the Vice President (OVP) nga nadawat kini bandang alas-10:40 sa buntag sa mao gihapon nga adlaw.
Sumala pa sa rules sa impeachment court, adunay 10 ka adlaw ang respondent gikan sa pagdawat sa summons aron mosumite sa ilang tubag. Ang orihinal nga deadline unta sa Mayo 30, apan tungod natugpawan kini og Sabado, gibalhin ang petsa sa sunod nga working day nga Hunyo 1.Dugang pa niini, human makapasa ang kampo ni Duterte, hatagan og lima ka adlaw ang House prosecution panel aron mosumite sa ilang tubag, ug sunod niini itakda ang pre-trial sa kaso.
Nanawagan si Cayetano sa iyang mga kaubang senador nga ayohon ang impeachment calendar aron masumpay sa ubang legislative work sa Senado.Sa kasamtangan, giingon ni House prosecution spokesman Lanao del Sur Rep. Zia Alonto Adiong nga kinahanglan magsugod na ang impeachment trial ug wala giingong babag aron kini dili ipadayon.
Sumala pa kaniya, andam na ang tanang requirements alang sa pagdungog, ug giingon nga ang publiko nagtan-aw sa aksyon sa Senado sa maong kaso, nga iyang gihulagway nga “litmus test” sa pagkamatinud-anon ug pagka-patas sa proseso.
