Gipakita sa defense team ang ilang gitawag nga “proof of success” o mga pamatuod nga giingong husto ang paggamit sa confidential ug intelligence funds sa Office of the Vice President.
Lakip sa gibasa ni Defense lawyer Atty. Kristine Ferrer ang pagpatukod og mga satellite office sa OVP sa nagkadaiyang lugar, lakip ang probinsya sa Isabela sa Cagayan Valley.
Gihisgutan usab sa defense ang mga aktibidad sama sa data information gathering, threat assessment ug uban pang operasyon nga giingong kabahin sa paggamit sa confidential funds.
Sa pag-tuki sa maong mga dokumento, giila ni House witness ug COA auditor Xylene del Campo nga adunay pipila sa mga aktibidad nga mahimong mahulog ubos sa surveillance activities.
Matud ni del Campo, adunay mga proyekto nga mahimong gamitan og confidential funds depende sa ilang tumong ug sa pagsunod sa gitakdang accounting ug auditing rules.
Padayon ang pagpresentar sa defense team sa ilang mga dokumento samtang gisusi sa impeachment court ang paggamit sa CIF sa OVP.
