DAVAO CITY – Padayon ang panawagan sa Davao City Police Office (DCPO) ngadto sa publiko nga pabilin nga motamud sa mga polisiya o sumbahan nga gipatuman karong panahon sa General Community Quarantine (GCQ) ug likayan ang paghimo ug mga lakang nga supak sa balaod aron nga dili mag-atubang ug kaso.
Sumala pa kang Pol/Col. Kirby John Kraft, DCPO director, nga padayon pa gihapon sila nga makatala ug violations karong panahon sa GCQ diin sa kasamtangan anaa na sa 284 ang nadakpan tungod sa liquor ban, 1,272 sa curfew, 197 sa Social o Mass gathering, 43 ang mga wala nagsuot ug face mask samtang anaa sa 1,978 ang nasikop gumikan sa sayop nga paggamit sa Food and Medicine pass.
Subling gipasabot ni Kraft nga pabilin pa gihapon ang pag check sa mga FM pass ug dili pa gihapon mamahimo nga mogawas sa adlaw nga domingo.
Nagbahad sab ang opisyal sa mga nagapahimo ug peke nga ID aron magpa-ila nga mga frontliner nga mamahimong mag-atubang ug kaso ang mga nahisgutan.
