DAVAO CITY – Nagpagula karon ang Davao City Chamber of Commerce and Industry Inc. (DCCCII) og guidelines kalabot sa operasyon sa mga negosyo dinhi sa siyudad luyo sa bahad sa coronavirus disease (Covid-19) health crisis.
Base sa DCCCII Covid-19 Advisory 1, gi-awhag ni DCCCI president John Carlo B. Tria ang mga negosyante nga mag-andam ug staffing procedure alang sa flexible work plan ug work from home plan, ingon man ang ilang ipahigayon nga virtual meetings ug discussions.
Sa mga public transportation ug cargo deliveries, mi-apela kini sa mga nanag-iya nga batasanon ang safe cargo practices.
Bisan nga wala nila gipugngan ang mga tindahan nga mag-abli, apan gi-awhag niya ang mga nahisgutan nga mas maayong sulayan una ang online ug electronic commerce sama sa sell, trade, payments, ug fund transfers.
Nanawagan sa ang opisyal sa mga restaurants ug food establishments nga motamud sa food safety standards ug mga lakang nga gipatuman sa dakbayan partikular na ang pagsiguro sa kalimpiyo sa ilang mga butang ingon man pagsuot ug personal protective equipment sama na lamang sa facemask.
Gipasabot ni Tria nga ang ilang gipadula nga guidelines alayon sab sa Executive Order 10 o pagdeklara ug Community Quarantine dinhi sa dakbayan.
