Nagpahimangno ang PAGASA nga makasinati og “Danger” level headt index ang 13 ka lugar sa nasud karun adlawa, May 4, 2026. Sumala pa sa forecast, posibleng mosaka ang heat index gikan 42°C hangtod 44°C sa pipila ka lugar.Matud pa, ang pinakataas nga temperatura nga 44°C gilauman nga matala sa Dagupan City.
Samtang, ang Sinait ug Laoag City posibleng musaka sa 43°C. Dugang pa niini, ang mga lugar nga gilauman makasinati og 42°C heat index mao ang MMSU Batac, Aparri, Tuguegarao City, San Ildefonso, Camiling, San Jose, Cuyo, Maasin ug Davao City. Samtang, gibanabana nga 61 ka lugar ang makasinati og “extreme caution” nga heat index nga mosaka gikan 33°C hangtod 41°C, lakip na ang duha ka lugar sa Metro Manila.
Sa kasamtangan, bugtong ang Tanay, Rizal ang gilauman nga masulod sa “caution level” nga adunay heat index nga 32°C nga nagpabilin nga mas ubos kumpara sa ubang dapit, apan nagpahimangno gihapon kini sa posibleng epekto sa kainit.
