Nakatala ang Department of Health (DOH) og 1,091 ka aksidente sa dalan nga nahitabo sa tibuok Pilipinas atol sa Semana Santa 2026 — gikan Marso 29 hangtod Abril 2, base sa datos nga gi-report sa 161 ka mga ospital sa nasud.
Ang maong ihap mas dako og sobra 150% kumpara sa 437 ka kaso nga natala sa maong panahon niadtong Semana Santa 2025.
Gibutayg sa DOH nga posibleng mas daghan karon ang nagtaho tungod kay mas daghan ang ospital nga nalakip sa pag-report.
Sumala pa sa datos, ang Central Luzon ang nanguna sa labing daghan nga mga insidente nga adunay 196 ka kaso, gisundan sa Davao Region (161) ug Ilocos Region (159).
Gipahimangnoan usab ang katawhan sa pag-amping sa dalan ug paglikay sa mga butang nga makadaut sa kaluwasan aron malikayan ang susamang mga trahedya sa umaabot nga panahon.
