Pagdagpi kon paghapak sa mga magtutudlo sa estudyente sa Singapore, gitugtan

Gitugotan sa Singapore ang mga magtutudlo nga modagpi sa ilang mga estudyante isip paagi sa pagdisiplina.

Matod ni Desmond Lee, Education Minister nga mahimo nang mogamit og panghapak ang usa ka magtutudlo sa mga estudyante nga siyam ka tuig pataas.

Apan iyang gipaklaro nga adunay mga sumbanan nga ilang ginatuman aron malikayan nga masakitan ang mga estudyante.

Ginaaprubahan usab kini sa mga principal ug pipila ka school administration isip kabahin sa pagdisiplina.

Sa pagkakaron, naghimo og mga polisiya ang mga magbabalaod sa Singapore alang sa hustong pamaagi sa pagdisiplina sa mga estudyante nga posible ipatuman sa umaabot nga tuig.