DAVAO CITY – Nagpadayag ug kabalaka ang Davao City Reproductive Health and Wellness Center (RHWC) og pagka-alarma kalabot sa sitwasyon sa Human Immunodeficiency Virus-Acquired immunodeficiency syndrome (HIV-Aids) sa nasud human nga gibutyag sa Joint United Nations Program on HIV/Aids (UNAids) nga taas sumala pa nga misaka ang nahisgutan nga kaso dinhi sa nasud.
Sumala pa kang RHWC head Dr. Jordana Ramiterre nga subay sa datos gikan sa Department of Health-Epidemiology Bureau (DOH-EB) nga sa bulan lamang sa Abril ning kasamtangan nga tuig, nakatala sila ug kinatibuk-ang 24 HIV positive patients sa Davao City diin 21 niini ang lalaki samtang tulo ang babaye.
Gitataw sab sa opisyal nga padayon sila karon nga nakiglambigit sa komunidad ug hatagan nila ang mga people living with HIV (PLHIV) og access alang sa libre nga Anti-Retroviral Therapy (ART).
Usa sumala pa sa nagpabilin nga hagit karon sa ahensiya mao ang pagmugna ug mas epektibo nga lakang aron nga mas masayod pa ang publiko ilabi na ang mga bag-ong henerasyon kalabot sa nahisgutan nga balatian.
