Gipaklaro sa Department of Health (DOH) nga walay kaso sa Ebola sa Pilipinas.
Sumala kang DOH spokesperson Undersecretary Albert Domingo, walay rason alang sa pag-panic sa publiko bisan pa sa mga taho nga outbreak sa Democratic Republic of the Congo.
Matod niya, ubos ra ang risgo nga makasulod ang sakit sa Pilipinas tungod sa gilay-on niini gikan sa West Africa diin natala ang outbreak.
Gipahayag usab sa DOH nga wala gi-rekomenda sa World Health Organization (WHO) ang travel ban, busa wala usab kini ipatuman sa nasod.
Bisan paman niini, magpatuman ang Bureau of Quarantine og mas istrikto nga screening sa mga biyahero gikan sa DRC ug Uganda. Kahinumduman nga gideklara na sa WHO ang Ebola outbreak isip public health emergency of international concern.
Gibutyag usab ni Domingo nga gitun-an karon sa mga eksperto sa WHO ang posibleng tambal batok sa Bundibugyo virus, lakip na ang remdesivir nga gigamit usab sa COVID-19.
Gitambagan sa DOH ang publiko nga palig-onon ang resistensya sa lawas aron makalikay sa impeksyon, nga matakdan pinaagi sa body fluids.
