DAVAO CITY- Gikatakda nga ipatawag sa City Transport and Traffic Management Office (CTTMO) ang mga establisimento nga nagareserba sa mga public pay-parking slots nga gamiton alang sa ilahang mga konsumante.
Sumala pa sa labaw sa CTTMO nga si Retired Colonel Dionisio Abude, nakadawat sila ug report nga adunay usa ka ka stall sa karneng manok sa Bankerohan Public Market atubangan sa Posadas Street nga nagbutang ug signages sa mga pay parking zones.
Giklaro sa opisyal nga ilahang buhatan lamang ang magbutang sa traffic signages ug kung kini dili gikan sa ilahang buhatan usa kini ka dakong kasupakan sa balaod, ug ilaha kining ipatawag ug mamahimo sab kining tiketan.
Giaklaro usab niini nga ang matag establisimento ang adunay gigahin nga lugar alang sa ga sakyanan niini nga modiskarga sa mga kargamento.
Una ng gihinluan ang dalang Posadas sa Bankerohan ug ubang kadalanan nga gihimong tindahan sa mga sidewalk vendors diin ubay-ubay ka mga istruktura ang gipangguba ilabi na sa dalang Posada.
Ang mga apektadong tindahan ang gibalhin na sa ikaduhang andana sa ibabaw nga bahin sa Palengke sa Bankerohan.
Kini ag gilangkuban sa mga stall sa kakanin, pruta, ug mga gulay nga karon gihimo na nga public pay parking.
Sa karon, adunay laraw ang CTTMO nga palapdan pa ang pay parking apan gipaabot na lamang ang pag-apruba niini.
Samtang gipasalig niini nga 24 oras kining imonitor sa iyahang buhatan.
