DAVAO CITY – Nakabalik na sa Davao City ang BRP Artemio Ricarte sa Philippne Navy nga nisalmot sa CORPAT PHILINDO XXXVII-23 human sa gipahigayong pagpalig-on sa border security tali Pilipinas ug Indonesia.
Gisugat sa mga sakop sa Naval Forces Eastern Mindanao ang mga marino nga sakay sa maong vessel human sa ilang malampusong pagbansay sa maritime interoperability atol sa 2nd Leg sa Coordinated Border Patrol niadtong Mayo 6 hangtud 7 ning tuiga sa utlanan sa duha ka nasud sa Asya.
Atol sab sa Arrival Ceremony nga gipahigayon sa Captain Feranil Pier, Naval Station Felix Apolinario, sa Panacan, Davao City kagahapon, gisugat sab ang 6 ka mga Pilipino nga na-repatriate gikan Indonesia nga nadakpan sa pagpahigayon og ilegal nga pagpanagat gawas sa tali sa mga utlanan sa Pilipinas ug Indonesia.
Kasamtangang giamumahan na ang mga repatriates sa DSWD 11 aron asikasuhon ang ilang mga papeles aron hingpit na silang makabalik sa ilang mga pamilya.
Giktakda silang mouli sa ilang tagsa-tagsa ka mga lugar dinhi sa Mindanao ingon man mudawat og assistance sa gobyerno.
via || Bombo LJF
