Gipahigayon sa Department of Justice–National Prosecution Service Region XI ang oath-taking ceremony sa unom ka mga bag-ong napromote nga mga prosecutor sa rehiyon.
Lakip sa mga napromote sila Senior Assistant City Prosecutor Rizalyn Y. Gonzales-Pontanos ug Senior Assistant City Prosecutor Louisa M. Viloria-Yap sa Office of the City Prosecutor sa Davao City; Assistant City Prosecutor Michael A. Robledo Jr. sa Island Garden City of Samal; Assistant Provincial Prosecutor Katrina Kris Gabrielle S. Givero sa Davao del Sur; Assistant City Prosecutor Virginio C. Juan II sa Tagum City; ug Associate City Prosecutor Marie Antonette N. Jaron usab sa Tagum City. Ang maong promosyon giila isip pag-ila sa ilang dedikasyon, kahanas, ug pagsalig sa serbisyo publiko.
Gipakita usab niini ang padayong paningkamot sa DOJ Secretary nga si Frederick M. Vida sa pagpadali sa mga appointment, pagpuno sa mga bakanteng posisyon, ug paglig-on sa National Prosecution Service subay sa Republic Act No. 10071.
Gitimbaya usab sa DOJ ang mga bag-ong napromote nga prosecutors ug gidasig sila sa pagpadayon sa pagpatuman sa balaod ug pagpalig-on sa paspas ug patas nga paghatag og hustisya.
