Giaprubahan sa Commission on Elections o COMELEC ang hangyo ni Naga City Mayor Leni Robredo nga ipahigayon dungan sa Barangay ug Sangguniang Kabataan Elections o BSKE sa Nobyembre 2, 2026 ang plebisito alang sa ratipikasyon sa pagiging ganap nga highly urbanized city o HUC sa Naga City.
Sumala sa COMELEC ug sa lokal nga panggamhanan sa Naga, tumong sa pagsabay sa plebisito ug sa BSKE ang pagpalambo sa voter turnout ug pagpakunhod sa magastohan sa gobyerno.
Matud ni Robredo, mokabat sa gibana-banang P50 milyon ang pundo nga gikinahanglan kon maglain ang plebisito, apan kung dunganon kini sa BSKE, mokunhod ang magastohan ngadto sa P20 milyon hangtod P25 milyon.
Nagtuo usab ang COMELEC ug si Mayor Robredo nga mas daghang botante ang moapil sa plebisito tungod kay gilauman nga daghan ang mouli sa Naga City aron motambong sa eleksyon.
Kon maratipikahan sa mga botante, mahimong opisyal nga highly urbanized city ang Naga City, nga adunay lahi nga administratibong kahimtang ubos sa Local Government Code.
