DAVAO CITY – Gisugdan na kagahapong adlawa ang closed fishing seasoned sa Davao Gulf diin tumong niini nga mahatagan ug kahigayonan ang mga mga isda nga makapangitlog.
Kahinumduman nga matag tuig na kini nga ginapahigayon sa siyudad kini aron mapabilin nga bastante ang gidaghanon sa mga isda pagsulod na sa bulan sa Agosto.
Ginapatuman ang nahisgutan nga lakang sugod bulan sa Hunyo hangtud Agosto 31, 2021. Sumala pa kang Raul Millana, regional director sa Bureau of Fisheries and Aquatic Resources (BFAR)-11 nga kung adunay managat gamit ang bagnet, nigpis nga mga pukot ug uban pa, mamahimong mag-atubang kini ug silot.
Kahinumduman nga hugtanon una nga ginadili ang paggamit sa susama nga mga kagamitan sanglit malakip pagkuha niini ang mga gagmay nga mga isda.
