DAVAO CITY – Mas gipahugtan karon sa City Veterinarian’s Office (CVO) sa dakbayan sa dabaw ang ilang anti-rabies campaign.
Kini ang pinaagi sa sa pagpahigayon ug paglibot sa kabarangayan aron bakunahan ang mga binuhing iro.
Sukad niadtong Agosto 4, 2020 ang CVO ang mipahigayon na ug pagkapon sa mga binuhing iro sa barangay Sto Nino Tugbok District ning syudad.
Gikanayon ni CVO chief Dr. Cerelyn Pinili moabot sa 61 ka mga hayop ang ilang nakapon nga gilangkuban sa 44 ka mga iro, ug 17 ka mga iring gikan sa 41 ka mga pet owners sa maong barangay.
Gidasig ni Pinili ang mga pet ooowners nga interesadong magpa-kapon sa ilang mga binuhing iro ug iring lakip na ang pagpa-ilalom sa ilang mga kahayupan sa anti-rabies vaccination nga mopahigayon ug pre registration sa ilang tagsa-tagsa ka mga barangay alang sa assigned schedule.
Gipahinumduman usab niini ang mga pet owners sa pagsunod sa health protocols atol sa vaccination, castration, ug spaying diin libre sumala nga ginahatag sa gobyerno ang maong serbisyo.
