DAVAO CITY – Nagpadayag ug kadismaya ang Commission on Human Rights (CHR) gumikan kay wala sumala pay gihimo nga lakang ang Philippine National Police sa gikanayong sayup nga pagsikop sa beteranong journalist nga si Margarita Valle.
Gikanayong lima ka bulan na ang milabay dihang gisikop si Valle sa mga sakop sa Criminal Investigation and Detection Group (CIDG-9) sa Laguindingan Airport sa Misamis Oriental kaniadtong Hunyo 9.
Gisikop ang nahisgutan base sumala pa sa arrest warrants gumikan sa kasong “multiple murder with quadruple frustrated murder”, destruction of government property, ug arson.
Apan gipagawas kini sa kapulisan ug nagpagula og apology ang mga nahisgutan gumikan kay nasaypan lamang si Valle nga miyembro sa komunistang grupo.
Tungod niini, miduso si Valle ug ang iyang abogado og kasong kriminal ug administratibo batok sa pulis ug military officers apan hangtud karon gihulat pa nila ang resulta niini.
