DAVAO CITY – Wala pa’y nakita nga led ang kapolisan sa dakbayan sa Davao sa missing person sa dakbayan sa Davao may kalabotan sa nakaplagan nga chop chop lady sa Buhangin, ning dakbayan sa Davao.
Sumala pa kang Police Senior Supt. Alexander Tagum nga bisan iya na nga gimandu-an ang iyang mga sakop nga makig-alayon sa mga barangay kapitan sa missing persons sa ilang lugar sa pamasin nga dunay nawad-an ug mga kabanay ug pamilya nga posibli nga modugtong ngadto sa biktima.
Wala pa gihapo’y mi-claim sa biktima. Nagtuo si Tagum nga posibli nga dili taga-dakbayan sa Davao ang biktima ug dinhi lamang gilabay.
Gumikan niini naglihok ang kapolisan sa pag-ila sa biktima, motibo ug labaw sa tanan sa suspek sa krimin. Kini gumikan kay duha ka mga lugar ang gilabayan sa putolputol nga lawas sa suspek.
Wala’y CCTV nga naka-record dihang gihimo ang linuog nga pagpatay sa biktima.
