Gipamulta karon sa National Basketball Association si Denver star Nikola Jokic ug Minnesota forward Julius Randle human sa ilang mainit nga komosyon sa katapusan sa Game 4 sa ilang playoff series.
Si Jokic gipahamtangan og multa nga $50,000, samtang si Randle gipagmulta og $35,000 tungod sa insidente nga nahitabo sa pipila ka segundo sa wala pa mahuman ang duwa tali sa Denver Nuggets ug Minnesota Timberwolves.
Sumala sa NBA, mitungha ang tensyon human ni-drive ug ni-layup si Minnesota guard Jaden McDaniels nga nagbilin na lamang og 2.1 segundos sa orasan, bisan dako na ang lamang sa Timberwolves.
Gituohan sa Denver nga kini nga lihok usa ka “unsportsmanlike,” hinungdan sa pagtaas sa tensyon sa duha ka teams.
Gipasabot sa NBA nga si Jokic mao ang unang misugod sa physical contact pinaagi sa pagtulak kang McDaniels, samtang si Randle mi-apil usab sa kagubot ug mitulak kang Nuggets guard-forward Bruce Brown.
