Gitugyan na ni kanhi Pangulong Rodrigo Duterte sa Diyos ang mahimong resulta sa nakatakdang desisyon sa Appeals Chamber sa International Criminal Court (ICC) karong adlawa, kalabot sa hurisdiksyon sa korte sa iyang kaso, sumala sa iyang anak nga si Veronica “Kitty” Duterte.
Sa usa ka paghinabi sa The Hague, Netherlands human niini gibadlong ang iyang amahan niadtong Abril 20, gikanayon ni Kitty Duterte nga nagkupot sila sa pagtuo ug gipasa-Diyos sa kanhi pangulo ang resulta tungod kay wala na kini sa ilang kontrol.
Iyang gibutyag usab nga lig-on ang kahimtang sa kanhing pangulo ug mas naka-adjust na sa iyang sitwasyon samtang naghulat sa sunod nga mga hitabo sa iyang mga kaso ICC.
Maayo usab ang pisikal nga kahimtang niini, igo ang pagkaon ug anaa sa pag-atiman sa iyahang legal team, bisan pa og usahay makabati kini og kasubo sa iyahang kaugalingon.
