DAVAO CITY- Nipadayag og pagsabot si DCPO Acting City Director PCol. Hansel Marantan kalabot sa sugyot ni Pangulong Ferdinand Marcos Jr. nga bloodless drug war.
Kahinumduman nga gitagaan og gimbug-aton sa pangulo ang pagpakgang sa illegal nga droga sa nasud atol sa SONA uban ang pagseguro nga walay kinabuhi ang makalas.
Ang maong laraw ang giuyonan usab ni PCol. Marantan dinhi sa syudad apan giklaro niining adunay mga exemption ang direktiba.
Nahimong pananglitan sa opisyal ang pagsukol sa mga suspek sa mga kapulisan nga maoy sagad nahitabo dinhi sa syudad rason sa pagprotekta sa mga kapulisan sa ilang mga kaugalingon.
Hinoon, wala nagpasabot ang iyang komento sa pagsupak sa gikanayong plano sa Marcos Administration ug gipasalig gihapon niini ang pagsuporta sa lakang basta lamang walay makompromisyo nga kinabuhi sa mga otoridad.
Kahinumduman nga una nang gikanayon ni FPRRD ang pagsabot niini sa plano ni PBBM sa nasud, apan iyaha matud pa ginapersonal ang mga insosenteng indibidwal nga makutloan sa kamot sa mga nagagamit og illegal nga droga.
Ning kasamtangan padayon ang monitoring ug pagbantay sa mga kasundalohon ug kapulisan sa mga border control points aron walay makasulod nga droga dinhi sa syudad.
