Nakatakdang mopasaka ang Department of Public Works and Highways og mga kasong kriminal batok sa gitawag nga mga “big fish” o dagkong personalidad nga giingong nalambigit sa kontrobersiyal nga flood control scandal.
Gihimo ni DPWH Sec.Vince Dizon ang maong pahibalo kaganihnag buntag atol sa inspeksyon sa Matalahib Creek Pumping Station.
Hinuon mibalibad ang kalihim sa pagngalan sa mga mahimong respondent apan iyang gipadayag nga mga high-profile ug iladong personalidad ang nalambigit sa kaso ug gikan sa Bulacan.
Matud pa ni Dizon, pormal nga ipasaka ang mga kaso ugmang adlawa sa Hunyo 4, sa Malolos Regional Trial Court.
Kahinumdoman nga una nang giaprobahan sa Office of the Ombudsman ang pagsaka sa mga kasong kriminal lakip ang plunder batok sa pipila ka prominenteng mga magbabalaod, lakip si Sen. Jinggoy Estrada, ug mga kanhing opisyal sa DPWH kabahin sa anomalosong mga proyekto sa flood control nga nagkantidad og gatosan ka milyon sa Bulacan ug uban pang mga probinsya.
