Gipasalig sa gobyerno nga ipadayon ang mga programa batok sa malnutrisyon sa nasud bisan pa sa posibleng epekto sa El Niño sa suplay sa pagkaon. Sumala sa Council for the Welfare of Children (CWC), kinahanglan nga dinalian nga matubag ang problema sa malnutrisyon aron malikayan ang posibleng kadaot niini sa panglawas ug normal nga pagtubo sa mga bata sa dugayng panahon.
Kabahin sa maong kampanya ang paghatag og igo ug masustansiyang pagkaon sa mga kabataan aron matubag ang ilang panginahanglan sa nutrisyon. Dugang pa niini, palapdan ug dugangan sa gobyerno ang mga Child Development Center nga usa sa mga pasilidad nga gigamit alang sa Supplementary Feeding Program.
Lakip usab sa mga lakang ang First 1,000 Days Cash Grant nga gipatuman sa Department of Social Welfare and Development (DSWD) ubos sa Pantawid Pamilyang Pilipino Program o 4Ps.Pinaagi niini, matabangan ang mga mabdos ug mga bata nga nag-edad og sero hangtod duha ka tuig pinaagi sa pinansyal nga ayuda alang sa ilang panginahanglan sa nutrisyon ug regular nga pagpa-check-up.
Sa kasamtangan, gipunting sa gobyerno ang pagpadayon ug pagpalapad sa maong mga programa aron mapanalipdan ang kahimsog ug hustong pagtubo sa mga bata bisan pa sa mga hagit nga mahimong idulot sa El Niño.
