DAVAO CITY – Laoman sumala pa nga masubay na karon sa Bureau of Fire Protection (BFP) ang mga violator sa Fire Code human ang nagpadayon nga renewal alang sa mga business permits.
Matud pa kang multi-agency anti-arson task force spokesperson Supt. Jerry Candido, angayan sumala pa nga pahugtan sa BFP regional office ang pagsubay sa mga establisyemento nga nakasupak sa balaud ug sumbanan sa BFP aron nga dili na subling mahitabo ang susama nga insidente sa NCCC Mall nga mikalas ug daghanang kinabuhi gumikan sa daghanang kalapasan nga nahimo.
Kabahin sa rekisitos sa business permit renewal mao ang fire safety inspection certificate (FSIC) nga gilagdaan sa BFP.
Una na sba nga gibutyag ni Candido nga nanginahanglan sumala pa ang fire stations sa siyudad ug aerial ladder alang sa mga tag-as nga mga sunog nga sagad mahitabo sa mga gambalay.
Hinuon gibutyag ni Mayor Sara Duterte nga andam siya nga i-assist pinaagi sa paghatag ug mga materyales sa BFP.
Gitataw sab ni Candido nga ang problema sa dakbayan ang susama sab sa uban nga ahensiya sa BFP latas sa tibuok nasud.
Dakong tabang sab sumala pa kung mapalit ang 200 firetrucks sa mosunod nga lima ka tuig alang sa 349 ka mga munisipalidad ug siyudad sa nasud.
