DAVAO CITY – Pabilin karon nga alerto ang mga sakop sa Bureau of Fire Protection (BFP) 11 sanglit makatala pa gihapon sila ug insidente sa sunog bisan tuod nga gipailalom karon ang dakbayan sa Davao sa General Community Quarantine (GCQ).
Una ng nasayran kang Fire Inspector Israel Johann Alagaban, chief of operation sa BFP-11, nga anaa sa 800 ka mga insidente sa sunog ang ilang natala sukad Enero hangtud Hunyo ning kasamtangan nga tuig.
Hinuon mas ubos sumala pa ang nahisgutan nga ihap kung itandi sa kapin 2,000 sa tuig 2018 ug kapin 1,000 sa milabay nga tuig 2019.
Dako sumala pang tabang ang ginapatuman nga programa sa ahensiya aron nga kanunay nga mag-igmat ang mga tawo ug makalikay sa mga insidente sa sunog.
Sagad sumala pa nila nga ginabisita ang mga barangay aron nga ipasabot ngadto sa mga residente ang mga butang nga makahatag kanila ug giya paunsa himuon ang mga lakang sa higayon nga makasinate ug susama nga insidente.
Gipahimangnoan sab ni Alagaban ang mga barangay sa siyudad nga dili pasobrahan ang ug barida ang ilang lugar aron nga dili sab maglisud ang mga bomber panahon nga adunay mahitabo nga emerhensiya.
