DAVAO REGION- Nagmalampuson ang gipahigayon sa Bombo Radyo ug Star FM nga Bancarera Mindanao Circuit 3rd leg-Kadayawan Festival Qualifier. Ang maong aktibidad ang gipahigayon kaganihang buntag hangtod udto sa Dumoy Beach niining atuang dakbayan nga gisalmutan og daghanang mga partisipante gikan sa nagkadaiyang bahin sa Mindanao.
Gikan sa daghang mga partisipate, tanang mga wala swertea nga makadaug ang adunay nadawatang consolation prize nga P1,000 .
Samtang lakip sa mga na-qualified alang sa mosunod nga kompetisyon ngadto sa General Santos City mao sila Gary Dunok nga taga Matina Aplaya, Davao City; Alex Campo Redondo nga taga Bago Aplaya ning dakbayan; Nelson Mandresa nga taga Bago Aplaya,Davao City; John Talagbok nga taga Matina Aplaya; Paking Abdul nga taga Sirawan, Toril; Joshua Domdom nga taga Maasim Saranggani; ug Allen Mula nga taga Panabo City, Davao del Norte.
Lakip usab sa mga kwualipikado nga mao usab ang mga midaug mao sila Puloy Adin nga taga Inawayan, Sta. Cruz, Davao del Sur nga maoy nakasakmit sa ikaduhang pwesto ang nakadawat og mga produkto gikan sa Pioneer, Surf Fabric Conditioneer, San Miguel Beer og cash prize nga nagkantidad og P5,000.
Samtang ang 1st runner up mao si Mohammar Basucao nga taga Island Garden City of Samal nga nakadawat og susamang mga produkto ug cash prize nga nagkantidad og P10,000.
Samtang ang titulong kampyeonato ang nadepensahan ni Rodjie Barit nga taga Maasim Saranggani nga mao usab ang kampyeonato kaniadtong nakalabay nga Bancarera Mindanao Circuit 3rd leg-Kadayawan Festival Qualifier 2023.
Sigon pa ni Barit nga malipayon gayud kini siya og ilabi na ang iyahang mga kaubanan gumikan sa maong kadaugang iyahang nasakmit.
