Mipadayag ang Philippine Embassy in Paris nga adunay “strong reason to believe” nga anaa sa France si Zaldy Co, bisan pa wala pa kini makumpirmar nga aktuwal siyang nakita sa nasod, sumala sa Ambassador nga si Eduardo de Vega.
Subay sa pahayag, giingon ni de Vega nga posible usab nga adunay mga kabtangan si Co sa France, apan wala pa’y konkretong ebidensya o aktuwal nga surveillance nga nagpakita sa iyang presensya.
Dugang pa niini, miabot ang maong impormasyon human sa giingon ni Foreign Affairs Secretary Ma. Theresa Lazaro nga usa ka “highly-regarded source” ang nagreport nga si Co didto sa France ug posibleng nangayo og asylum.
Apan gipatin-aw sa embahada nga walay opisyal nga kumpirmasyon sa sightings, ug wala usab silay katungod nga magpatuman og surveillance o pagdakop kung wala’y legal nga basehan.
