Gibutyag ni Senadora Risa Hontiveros nga dili lamang ordinaryo nga Chinese ang nakita sa matod pa pinuy-anan ni Atty. Harry Roque apan usa ka high-profile fugitive.
Sa kopya sa dokumento nga gihatag sa opisina sa senador, makita nga kabahin sa red notice sa Interpol si Sun Liming.
Una paman niini, unang nasayran nga IT manager si Liming sa Lucky South 99 nga mao ang Philippine Offshore Gaming Operator (POGO) firm nga gitabangan ni Roque sa reapplication.
Matod pa sa senadora, natingala kini nga sa kadaghan sa mga balay, kang Roque pa kini napadulong bisan paman gipahayag sa abogado nga aduna kini bantay sa pinuy-anan.
Gumikan niini, gipahayag sa senadora nga posibleng usa ka grupo lamang si Roque ug Liming hinungdan nga nagpuyo kini sa pinuy-anan sa abogado.
