Usa na usab ka dakong hagit ang giatubang ni Filipina tennis star Alex Eala sa dihang iyang atubangon ang kanhi World No. 1 nga si Naomi Osaka sa semifinals sa 2026 Mubadala DC Open karong Domingo, oras sa Pilipinas.
Mao kini ang unang higayon nga mag-abot ang duha ka mga tennis stars sa professional tour, diin ang modaog makasulod sa finals sa maong torneyo sa Washington, D.C.
Matod ni Eala, dako ang iyang respeto kang Osaka, nga upat ka higayon nang nakadaog og Grand Slam title ug karon ang ikatulong seed sa torneyo. Giingon usab niya nga excited siya sa ilang unang panagsangka.
Misulod si Eala sa semifinals human mapildi pag-usab ang World No. 10 nga si Elina Svitolina pinaagi sa iskor nga 6-3 ug 6-4, samtang si Osaka nakalabang human mapildi si Elisabetta Cocciaretto sa tulo ka sets.
Sa laing bahin, giabiabi usab ni Osaka ang oportunidad nga makigduwa kang Eala. Matod niya, wala pa sila magkaduwa kaniadto apan nakatan-aw na siya sa pipila ka mga duwa sa Filipina ug nakadayeg sa impresibong kampanya niini sulod sa milabay nga tuig.
Pareho usab silang gikan sa maayong performance sa Wimbledon, diin nakaabot si Eala sa Round of 16, samtang nakasulod si Osaka sa quarterfinals.
Gilauman nga mahimong usa ka kulbahinam nga panagsangka ang ilang semifinal duel samtang tinguha ni Eala nga mapadayon ang iyang makasaysayang kampanya ug makasulod sa finals sa DC Open.
