Nasulod isip 17th seed si Filipina tennis star Alex Eala sa star-studded Cincinnati Open, base sa pinakabag-ong player list nga gipagawas sa WTA.
Si Eala, nga kasamtangang world No. 20, gipaabot nga makadawat og first-round bye isip usa sa 32 ka seeded players. Magsugod ang main draw sa WTA 1000 tournament sa Agosto 13.
Nanguna sa seeds sila Aryna Sabalenka, Elena Rybakina, Jessica Pegula, Coco Gauff ug Mirra Andreeva, samtang seventh seed ang defending champion nga si Iga Swiatek.
Bag-o lamang nahuman ni Eala ang iyang kampanya sa Canadian Open sa Toronto, diin nakaabot siya sa Round of 16 apan napildi kang Belinda Bencic.
Sa miaging duha ka semana, nakadaog si Eala og pito ka sunod-sunod nga duwa human usab makuha ang titulo sa Mubadala DC Open.
Mopahulay kadiyot ang Pinay tennis star sa dili pa mobalik sa Cincinnati, samtang nangandam usab siya alang sa US Open sa New York karong bulana. | VIA BOMBO EROS PAJOTA
