Gilimod sa Malacañang nga adunay nationwide suspension sa klase karong Oktubre 5, 2026 alang sa pagsaulog sa World Teachers’ Day.
Matud sa Presidential Communications Office, wala kini nagpagawas og bisan unsang opisyal nga pahibalo nga kanselado ang klase sa Pilipinas.
Gipahimangnoan usab ang publiko nga dili magpakaylap o magpaambit og mga pekeng anunsiyo nga makita online ug magkuha lamang og impormasyon sa opisyal nga government sources kabahin sa class suspensions.
Wala usab nagpirma si Pangulong Ferdinand Marcos Jr. og proclamation nga nagsuspinde sa klase sa tibuok nasod karong adlawa.
Bisan pa niini, adunay pipila ka local government units o LGUs nga nagpahibalo sa suspension sa face-to-face classes isip kabahin sa pagsaulog sa adlaw sa mga magtutudlo.
Busa, gidasig ang mga estudyante, ginikanan ug mga teachers nga susihon ang opisyal nga pahibalo sa ilang tagsa-tagsa ka LGU o eskwelahan alang sa tukmang impormasyon sa klase.
