Gipadayag ni Ukraine President Volodymyr Zelensky nga gipakusgan sa Russia ang mga pag-atake batok sa ilang nasod, lakip ang pag-target sa mga data center ug internet providers.
Matud ni Zelensky, posibleng maapektuhan niini ang adlaw-adlaw nga kinabuhi sa mga Ukrainians tungod kay importante ang maong mga pasilidad sa pag-eskwela ug pagtrabaho.
Ang pahayag ni Zelensky gisulti human maigo sa Russian drone ang usa ka business center sa Kyiv nga nakaresulta sa pagkamatay sa upat ka tawo. Nadaot usab sa maong pag-atake ang usa ka data center.
Gikumpirma sa Russia ang pag-atake apan giingon nga gigamit sa Ukraine ang maong lugar alang sa military intelligence.
Tungod niini, nanawagan si Zelensky sa mga kaalyadong nasod sa Ukraine nga tabangan sila aron mapanubag ang Russia sa mga pag-atake.
