Tutokan karong Miyerkules, Septiyembre 23,2026 ang voting threshold o gidaghanon sa boto nga gikinahanglan alang sa conviction ni Vice President Sara Duterte sa ika-29 nga adlaw sa impeachment trial.
Pagahimuon ang oral arguments diin hatagan og 15 minutos ang prosecution ug defense aron ipresentar ang ilang mga argumento, human niini mahimong mangutana ang mga senator-judge sa mga panig sa kaso.
Gihisgutan sa maong isyu kung magpabilin ba ang 16-vote threshold nga unang gi-set ni Presiding Officer Francis “Chiz” Escudero, o usbon kini base sa gidaghanon sa mga senator-judge nga kwalipikado ug aktuwal nga nakapartisipar sa trial.
Kahinumdoman, tulo sa upat ka amici curiae nga kanhi Supreme Court justices mipabor sa pagbase sa threshold sa mga senator-judge nga kwalipikado ug aktuwal nga nakapartisipar, samtang lahi ang posisyon ni retired Associate Justice Adolfo Azcuna nga dapat magpabilin ang 16 ka boto.
Samtang, posible nga ma-postpone ang botohan kung mangayo og dugang panahon ang mga senator-judge aron tun-an ang bag-ong argumento nga mogawas atol sa oral arguments.
Wala usab mitungha karong adlawa si Davao City Mayor Sebastian “Baste” Duterte tungod kay na-reset ang iyang subpoena. Gikatakda na siyang motestigo sa Senado gikan Septiyembre 28 hangtod 30, lakip ang pagdala sa mga rekord sa Davao City Government nga adunay kalabotan sa GenCorp ug ubang transaksyon nga gihisgutan sa kaso.
