Gipagawas na sa Department of the Interior and Local Government (DILG) karong Martes ang bag-ong mugshots ni kanhing House Speaker ug kasamtangang Leyte 1st District Representative Martin Romualdez.
Gikuhaan siya og bag-ong litrato human siya gibalhin sa New Quezon City Jail sa Payatas niadtong Lunes sa gabii, September 14, 2026.
Ang pagbalhin gihimo base sa direktiba sa Sandiganbayan Third Division.
Sumala kang BJMP spokesperson Jayrex Bustinera, si Romualdez karon nagpabilin sa infirmary ward sa jail, kauban ang tulo pa ka Persons Deprived of Liberty (PDLs).
Ang pagbutang kaniya sa infirmary gibase sa assessment sa iyang personal doctor ug sa mga independent doctors gikan sa Philippine General Hospital (PGH).
Matod sa BJMP, dili na kinahanglan nga magpabilin siya sa ospital tungod kay kaya na sa BJMP nga mahatagan siya sa gikinahanglang medical attention samtang siya gi-detained.
Giklaro ni DILG Secretary Jonvic Remulla nga walay air-conditioning ang selda ni Romualdez.
Naka-schedule si Romualdez nga moatubang sa iyang arraignment ug pre-trial proceedings sa Sandiganbayan karong Miyerkules, September 16.
Giatubang ni Romualdez ang kasong plunder case sa anti-graft court tungod sa alegasyon nga nakadawat siya og kickbacks nga mokabat sa kapin ₱7 bilyon gikan sa nagkalain-laing proyekto sa gobyerno.
