Giatubang ni Vice President Sara Duterte ang Quezon City Regional Trial Court Branch 98 karong Biyernes, Septyembre 11, 2026 alang unta sa iyang gikatakdang arraignment sa grave threats charges, apan gi-postpone kini sa korte human sa motion for inhibition nga gisumite sa iyang legal team.
Miabot si Duterte sa Quezon City Hall of Justice alas-8:30 sa buntag uban sa iyang igsuon nga si Davao City 1st District Representative Paolo “Pulong” Duterte. Sa iyang pag-abot, mubo niyang gitimbaya ang mga supporters ayha kini mosulod sa courtroom.
Ang Department of Justice misang-at og tulo ka counts sa grave threats batok kang Duterte niadtong Agosto 11, may kalabotan sa iyang mga pahayag atol sa online press conference niadtong 2024.
Nakapagpiyansa ang Bise Presidente ug nakagawas pinaagi sa release order sa korte.
Human sa hearing, nagpasalamat si Duterte sa Bombo Radyo Philippines ug sa mga supporters nga mitambong sa Quezon City Hall of Justice.
Bisan wala nadayon ang arraignment, gikanayon sa Bise Presidente nga iyang gi-appreciate ang presensya ug suporta sa mga tawo nga miadto aron mosuporta kaniya.
Sa pagkakaron, gipaabot pa ang bag-ong iskedyul sa arraignment human sa motion for inhibition.
