NBI DIR. MATIBAG, GIBARUGAN NGA WALA SILAY GINAPILI NGA PASAKAHAN OG KASO

Gibarugan ni National Bureau of Investigation Director Melvin Matibag nga mahimong imbestigahan sa NBI si Davao City 1st District Representative Paolo “Pulong” Duterte kung adunay kalambigitan sa bisan unsang ilegal nga kalihokan.

Mitumaw kini nga reaksyon ni NBI Director Matibag bahin sa pahapyaw ni Duterte nga giimbestigahan kuno ang bahandi sa iyang pamilya.

Pasiugda ni Matibag nga wala silay gipili nga tawo sa ilang pagpatuman sa imbestigasyon, diin bisan kinsa nga nalambigit sa ilegal nga kalihokan ilang imbestigahan ug posibleng pasakahan og kaso.

Nagtuo usab ang NBI Director nga dili siya ang gitumong sa post sa social media sa mambabalaod tungod kay wala man kini maghisgot sa iyang ngalan.