Misaka na sa ₱2.32 billion ang kadaot sa agrikultura tungod sa hiniusang epekto sa enhanced southwest monsoon o habagat ug mga bagyong Luis, Maymay ug Neneng.
Sumala sa Department of Agriculture, mas taas kini og 21.5% kumpara sa ₱1.91 billion nga agricultural losses nga na-report kaniadtong Lunes., Agosto 24, 2026.
Naapektuhan ang 69,615 ka mga mag-uuma ug mananagat sa walo ka rehiyon, lakip ang Cordillera, Ilocos, Cagayan Valley, Central Luzon, Calabarzon, Mimaropa, Bicol ug Western Visayas.
Kapin 60,896 metric tons sa agricultural products ang nadaot, nga mikabat sa 62,732 hectares nga agricultural areas.
Pinakadako ang kadaot sa humay nga mikabat sa ₱1.39 billion o 59.74% sa kinatibuk-ang agricultural damage. Kadaghanan sa naapektuhang humay anaa sa vegetative ug reproductive stages.
Samtang, ang kadaot sa high-value crops mikabat usab sa ₱692.21 million, katugbang kini sa 29.83% sa total losses.
Gipasidaan sa DA nga posible pang mosaka ang damage figures tungod kay nagpadayon pa ang assessment ug validation sa mga apektadong lugar.
Padayon usab ang monitoring sa agricultural losses samtang gina-update ang epekto sa sunod-sunod nga weather disturbances.
