Gitudlo si Atty. Jeremy Lotoc isip bag-ong Regional Director sa National Bureau of Investigation Region 8 sa Eastern Visayas, subay sa kumpirmasyon ni Tacloban City Mayor Alfred Romualdez.
Ayha pa sa bag-ong assignment ni Lotoc, nagsilbi kini isip Regional Director sa NBI-BARMM ug nahimo usab siyang hepe sa NBI Cybercrime Division, diin iyang gidumala ang mga imbestigasyon sa cybercrime ubos sa Republic Act 10175 ug uban pang ICT-related cases.
Nailhan usab kini isip ikaduhang witness sa prosecution sa impeachment trial ni Vice President Sara Duterte kaniadtong Hulyo 2026.
Sa wala pa nahimong abogado, nagtrabaho si Lotoc isip OFW, mitabang sa negosyo sa pamilya ug nagsilbi usab isip pastor.
Nakapasar siya sa Philippine Bar Examinations kaniadtong 2012 ug naapil sa roll of attorneys 2013.
Kapin 12 ka tuig na siyang nagserbisyo sa NBI ug nakahupot sa nagkalain-laing leadership positions.
Nagsilbi usab si Lotoc isip Regional Director sa MIMAROPA ug kaniadtong Nobyembre 2024, nanguna siya sa NBI investigation sa giingong hulga batok sa senior government officials.
