Gibarugan ni Palace Press Officer Undersecretary Claire Castro nga transparent ang Office of the President sa pagpagawas sa impormasyon bahin sa travel authorities ug gastusin sa opisyal nga mga biyahe sa Presidente.
Matod pa ni Castro, dugay nang ginapahibalo sa Office of the President ang publiko bahin sa foreign trips, official visits ug working visits sa Presidente.
Dugang pa, iyang pahayag mitumaw human gihangyo sa Office of the Vice President nga himuong publiko ang tanang travel authorities nga giisyu sa Malacañang, lakip ang kaukulang gasto ug gigikanan sa pondo.
Sumala pa ni Castro, walay gitago ang Office of the President kung bahin sa opisyal nga mga biyahe sa Presidente ug paggamit sa public funds.
Lakip sa iyang gipasiugda nga adunay katungod ang publiko nga masayod kung giunsa paggamit ang pondo sa gobyerno alang sa maong mga biyahe.
Sa pagkakaron, gibarugan ni Castro nga padayon silang maghatag og impormasyon bahin sa official travels sa Presidente subay sa transparency ug accountability sa Office of the President. | VIA BOMBO EROS PAJOTA
