Nangaguba ang 2,424 ka classroom tungod sa pananalasa sa bagyong Maymay ug hanging habagat, subay sa kumpirmasyon sa Department of Education (DepEd).
Base sa datos sa Disaster Risk Reduction and Management Service (DRRMS) sa DepEd, 403 ang naguba, 505 ang grabeng napinsala, samtang 1,516 ang nakasinati og minor damage.
Natala ang mga naguba nga classroom sa Ilocos Region, Cordillera Administrative Region ug Central Luzon.
Apil usab sa mga naapektuhan ang mga kagamitan sama sa mga lingkuranan, information and communications technology equipment units ug learning materials, nga nakaapekto sa klase sa mga apektadong lugar.
Labaw sa ₱74 milyon ang gikinahanglang pondo alang sa pag-ayo sa 1,516 ka classroom nga nakasinati og partial damage, base sa DepEd DRRMS.
Isip tubag, gilatid ni Education Secretary Sonny Angara nga ilunsad sa DepEd, uban sa Department of Labor and Employment (DOLE), ang pag-organisa sa 2026 Tulong Panghanapbuhay sa Ating Disadvantaged Workers-Brigada Eskwela isip immediate disaster cleanup mechanism alang sa pagsulbad sa kadaot sa mga naapektuhang classroom.
Samtang, gisuspenso karung Lunes, Agosto 10, 2026 ang mga klase sa daghang lugar sa nasud tungod sa kusog nga pag-ulan nga hinungdan sa pagbaha.
