Nangayo og pasaylo si Atty. Michael Poa, miyembro sa defense panel ni Vice President Sara Duterte, ngadto sa kampo ni kanhing Bise President Jejomar Binay human niya nahisgutan sa Senate impeachment trial nga adunay confidential funds ang Office of the Vice President (OVP) kaniadtong 2014.
Sumala ni Atty. Poa sa press conference kaniadtong Martes nga wala siyay tuyo nga idamay si ex-VP Binay sa maong isyu.
Gipasabot niya nga gituyo niyang dili nganlan sa una ang kanhi bise presidente ug gipunting lamang nga adunay confidential funds ang OVP kaniadtong 2014.
Gipatin-aw usab ni Poa nga iyang gitul-id ang testimonya ni kanhing Commission on Audit–Intelligence and Confidential Funds Audit Office (COA-ICFAO) state auditor Atty. Roderick Wamil, nga nag-ingon nga si VP Sara lamang ang bise presidente nga adunay confidential funds sa panahon sa iyang panunghat sa COA-ICFAO.
Gipahibalo usab ni Atty. Poa nga iyang gilangan ang pagtubag sa maong isyu sa miaging adlaw tungod kay plano niya kining hisgutan sa cross-examination sa defense panel.
Gipunting usab sa abogado nga ang iyang tumong mao lamang ang pagtul-id sa mga impormasyon nga naglibot sa social media ug pipila ka mga taho aron dili mamugna ang impresyon nga si VP Sara lamang sa kasaysayan sa nasud ang nakadawat og confidential funds isip ikaduhang pangulo.
