Nagpadayon ang Department of the Interior and Local Government (DILG) sa pagpangita kang Senador Ronald “Bato” Dela Rosa ug kanhi presidential spokesperson Atty. Harry Roque nga parehong gipangita sa mga otoridad gumikans a mga kaso nga ilang giatubang.
Matud ni Interior and Local Government Secretary Jonvic Remulla, wala mohunong ang kapulisan sa ilang operasyon aron matultolan ang nahimutangan ni Dela Rosa ug Roque.
Gibutyag usab ni Remulla nga adunay mga estratehiyang gipatuman ang mga otoridad aron mapaspasan ang manhunt operations.
Katapusang namatikdan si Dela Rosa kaniadtong Mayo 13, 2026 sa iyang pagtambong sa sesyon sa Senado, sa wala pa kini mogawas sa Senate premises sa sayong kabuntagon sa Mayo 14, 2026.
Gipangita ang senador human magpagawas ang International Criminal Court (ICC) og warrant of arrest batok kaniya nga adunay kalabotan sa imbestigasyon sa war on drugs sa administrasyon ni kanhing Presidente Rodrigo Duterte.
Samtang, gipangita usab si Atty. Harry Roque pinaagi sa warrant nga giisyu sa korte sa Angeles City, Pampanga tungod sa kasong human trafficking nga may kalabotan sa iyang giingong pagkalambigit sa Philippine Offshore Gaming Operator o POGO.
