Gikumpirma sa United Nations karung adlawa Hunyo 27, 2026 sa buntag (PH standard time) nga misaka na sa 589 ang kumpirmadong ihap sa mga namatay tungod sa sunod-sunod nga magnitude 7.2 ug 7.5 nga linog nga miigo sa amihanang bahin sa nasud Venezuela kaniadtong Hunyo 24,2026.Samtang nagpadayon ang search and rescue operations, natala usab nga 50,000 ka tawo ang nagpabiling missing.
Lakip sa mga namatay ang 9 ka Portuguese national, 4 ka Espanyol, 2 ka Brazilian, 2 ka Chinese national, ug 1 ka Italian-Venezuelan. Gawas niini, 56 ka Portuguese ug 120 ka Espanyol ang wala pa gihapon makit-i.
Sa La Guaira, nga maoy labing grabeng naapektuhan sa linog, makita sa satellite images ang mga nahugno nga mga residential buildings. Natala usab ang pipila ka insidente sa pagpangawat sulod sa usa ka supermarket samtang naghulat og tabang ang mga residente.
Samtang, miabot na ang mga rescue team ug search dogs gikan sa nagkalain-laing nasud aron motabang sa operasyon.
Matod sa United Nations, nag-atubang ang Venezuela sa labing grabeng kalamidad sulod sa kapin usa ka siglo. Gipalala pa kini sa krisis sa ekonomiya ug kakulang sa serbisyong panglawas ug uban pang batakang serbisyo.
Nasayran usab nga ang 7.5 magnitude nga linog mao ang labing kusog nga miigo sa Venezuela sukad pa kaniadtong tuig 1900. Nabati usab ang pagtay-og sa silingang nasud susama sa Colombia ug sa pipila ka siyudad sa amihanang bahin sa Brazil.
