Giklaro sa Malacañang nga dili maapektuhan sa panawagan ni US President Donald Trump sa mga miyembro sa International Criminal Court o ICC nga mobiya sa international tribunal ang kaso ni kanhi Pangulong Rodrigo Duterte.
Matud ni Palace Press Officer Claire Castro, nagpadayon ang proseso sa ICC ug nagpabiling aktibo ang mga complainant, abogado, prosecutors ug defense team ni Duterte.
Sa umaabot nga Nobyembre 30, 2026, nakatakdang magsugo ang pagtaral kang FPRRD. Samtang, nagpabilin ang posisyon sa Malacañang nga wala pay desisyon ang administrasyon sa pagbalik sa ICC.
Kahinumdoman nga miatras ang Pilipinas sa Rome Statute, nga nahimong epektibo kaniadtong Marso 17, 2019. Bisan pa niini, nagpabilin gihapon ang hurisdiksiyon sa ICC, ilabi na sa mga krimen nga giingong nahitabo samtang miyembro pa ang nasud sa maong tratado.
Gikumpirma na usab sa ICC Pre-Trial Chamber kaniadtong Abril 2026 ang mga kaso batok kang Duterte ug gipadayon ang proceedings padulong sa full trial.
