Gihatagan sa 10th Infantry Division (10ID) Major General Anayron Jr. og full military arrival honors sa wala pa kini nagpadayon sa usa ka courtesy call kang Major General Luzon.
Ang panagpulong ang nagsilbing strategic touchpoint alang sa duha ka mahinungdanon nga division nga nag-operate ilawom sa Eastern Mindanao Command.
Isip kabahin sa padayon nga military synergy, gidumala ni Major General Alvin Luzon ang pagbisita ni Major General Michele Anayron Jr. sa Camp General Manuel T. Yan Sr. niadtong Lunes, isip kabahin sa iyang exit visit.
Gibutyag ni General Anayron nga mahinungdanon ang koordinasyon tali sa duha ka division, nga nagbahin og critical nga boundaries sa rehiyon.
Ang maong kolaborasyon nagsiguro og usa ka unified approach sa kalinaw ug kalig-on, ug giila nga importante kini aron mapalig-on ang operational cooperation ug maprotektahan ang mga bag-ong nakab-ot nga seguridad sa Eastern Mindanao.
Nasayran nga si Anayron, usa ka miyembro sa Philippine Military Academy, nga nagahimo sa mga pagbisita isip bahin sa iyang exit transition, aron mapalig-on ang propesyonal nga relasyon sa liderato sa Armed Forces of the Philippines sa rehiyon.
Natapos ang panagkita uban sa usa ka commitment gikan sa duha ka commanders nga siguruhon nga ang transition sa liderato sa 4ID dili makasamok sa momentum sa padayon nga mga operasyon alang sa kalinaw ug seguridad sa ilahang mga area of responsibility.
