Mitestigo isip unang saksi sa kampo sa depensa ni Vice President Sara Duterte si Davao City Assessor Engr. Jaime G. Adalin sa pagpadayon sa impeachment trial karong Lunes, Nobyembre 9, 2026.
Gipresentar siya ni defense counsel Atty. Lindon Miguel Bacquel aron ipatin-aw nga ang propiedad nga sakop sa usa ka Transfer Certificate of Title (TCT) husto nga nade klarar sa Statement of Assets, Liabilities and Net Worth (SALN) sa Bise Presidente.
Apan gikuwestiyon dayon sa prosekusyon ang katuyoan sa maong testimonya. Matod ni Atty. Benjamin Tolosa Jr., dili mapamatud-an ni Adalin nga pareho ang propiedad nga gilakip sa SALN ug ang naa sa TCT tungod sa ilang nakitang dakong kalainan, ilabi na sa acquisition value o kantidad sa pag-angkon niini.
Misupak usab ang prosekusyon sa pipila ka bahin sa gisugyot nga testimonya kay giingong dili angay ug mahimong makapahisalaag.
Sa tunga-tunga sa hearing, nangayo si Bacquel og pipila ka minuto nga recess aron masusi ang dugang nga mga dokumentong gidala sa testigo. Gihatagan kini og tulo ka minutong pahulay sa korte.
Sa wala pa ang recess, gipamatud-an usab ni Adalin pinaagi sa iyang Administrative District Index Map nga ang Barangay Matina Crossing ug Barangay 74-A nagtumong sa usa ra ka lugar sa Davao City. Miuyon usab ang prosekusyon nga dawaton kini isip usa ka butang nga dili na angay lalisan sa duha ka kampo.
