Susihon sa House of Representatives kung unsaon paggasto ang nalikom nga travel tax sa nasud, sumala sa giingon ni Palawan Rep. Gil Acosta, Vice Chairperson sa House Tourism Committee. Kini gisulti pagkahuman sa panukalang pagwagtang sa travel tax nga gisumite ni House Majority Leader Sandro Marcos.
Matud ni Rep. Acosta, ang Kongreso kinahanglan tan-awon ang paggasto sa travel tax revenues sa wala pa ug human sa COVID-19 pandemic aron masuta kung husto ba ang paggamit niini alang sa pagpalambo sa turismo. Sa iyang giingon, ang average nga nalikom kada tuig moabot sa P4 billion hangtod P5 billion, nga gikan sa Tourism Infrastructure and Enterprise Zone Authority (TIEZA), Commission on Higher Education (CHED), ug mga proyekto sa cultural heritage.
Gipasabot usab sa magbabalaod nga ang koleksyon sa travel tax mikunhod sa tunga-tunga sa pandemya gikan 2020 hangtod 2023 tungod sa mga travel restrictions, hinungdan nga ang pagsusi sa paggasto sa nakalabay nga mga tuig importante kaayo aron masabtan ang epekto niini sa sektor sa turismo.
Ilang gi-highlight nga ang Palawan, usa sa pinakapopular nga destinasyon sa turista, limitado ang government-built facilities sama sa public comfort rooms, nga usa sa mga isyu nga tukion sa tourism committee.
Nagplano ang komite nga masusi ang paggamit sa pondo samtang nagpadayon ang debate kung ang travel tax ba i-reporma o dayon nang wagtangon.
